Prymianieńnie Rasiejaj vyvaznych mytnych pošlin na pradukty nieftiepierapracoŭki «pakładzie» biełaruskija pradpryjemstvy “vialikaj chimii”.
Ministerstva justycyi Biełarusi źviarnułasia ŭ Ekanamičny sud SND z pazovam pa pytańni, datyčnym pravamiernaści spahnańnia vyvaznych mytnych pošlin na pradukty pierapracoŭki nafty i naftachimičnuju syravinu, što pastaŭlajucca z Rasiei ŭ Biełaruś.
U Miniuście adznačyli, što z 1 studzienia 2010 hoda na padstavie tieletajpahramy pieršaha namieśnika kiraŭnika Fiederalnaj mytnaj słužby Rasii pradukty pierapracoŭki nafty, u tym liku naftachimičnaja syravina, što pastaŭlajucca z Rasiei ŭ Biełaruś, abkładajucca vyvaznoj mytnaj pošlinaj. Na nieadnarazovyja zvaroty biełaruskaha boku za tłumačeńniem pravavych padstaŭ padobnych dziejańniaŭ vyraznych adkazaŭ ad rasiejskaha boku da hetaha nie atrymana.
Biełaruś zhodnaja sa spahnańniem pošlin na častku syroj nafty. Ale pradukty naftapierapracoŭki, spadziavalisia biełarusy, buduć pastaŭlacca ŭ krainu biaspošlinna. I schiema, jakaja doŭhija hady funkcyjanavała pry pieraprodažy naftapraduktaŭ z tannaj rasiejskaj nafty na rynkach Jeŭropy pa jeŭrapiejskich koštach, zachavajecca chacia b dla praduktaŭ naftachimii. Pa dadzienych Nacyjanalnaha statystyčnaha kamiteta, impart naftapraduktaŭ u minułym hodzie skłaŭ 3,795 młn. t - na 50,8% bolš, čym u 2008 hodzie. Siaredniaja cana impartu naftapraduktaŭ - $348 za tonu. Mytnyja pošliny na ich roznyja, składajuć ad $80 da $180 za tonu.
”Miž tym prymianieńnie vyvaznych mytnych pošlin na pradukty pierapracoŭki nafty, jakija vykarystoŭvajucca ŭ jakaści chimičnaj syraviny ŭ bieśpierapynnych vytvorčych pracesach, surjozna ŭskładniła, a pa asobnych pazicyjach - pryviało da poŭnaha spynieńnia pastavak takich naftapraduktaŭ na naftachimičnyja pradpryjemstvy Biełarusi. Pa sutnaści,
heta aznačaje pahrozu poŭnaha spynieńnia pracy šerahu najbujniejšych pradpryjemstvaŭ naftachimičnaha kompleksu Biełarusi,jakija majuć ciesnyja kaapieracyjnyja suviazi, u tym liku i z anałahičnymi pradpryjemstvami Rasii … U takoj situacyi biełaruski bok nie bačyć inšaha sposabu abarony svaich zakonnych pravoŭ i intaresaŭ, akramia zvarotu ŭ mižnarodnyja sudovyja instancyi", - havorycca ŭ paviedamleńni Miniusta.
Namieśnik staršyni Dziaržaŭnaha mytnaha kamiteta Biełarusi Natalla Rynkievič padkreśliła na pres-kanfierencyi 5 sakavika, što «błakavańnie rašeńnia dadzienaha pytańnia nie tolki supiarečyć dvuchbakovym damoŭlenaściam, ale i ciahnie za saboj istotnyja ekanamičnyja straty dla subjektaŭ haspadarańnia dźviuch krain». Pa jaje słovach, spahnańnie mytnych pošlin na pradukty naftapierapracoŭki (paraksiłoła, techničnaha parafina, bienzoła, artaksiłoła i inšych) faktyčna stała zabaronaj dla ich pastavak na pradpryjemstvy biełaruskaj naftachimii.
U Biełarusi majecca 5 pradpryjemstvaŭ pa vytvorčaści chimičnych vałoknaŭ i nitak, pradpryjemstvy pa vytvorčaści łakafarbavych vyrabaŭ, šyn, płastmas. Ekśpiert Alaksandr Alesin zajaviŭ: «Adbudziecca rezkaje padzieńnie kankurentazdolnaści biełaruskaj naftachimičnaj pramysłovaści. Tamu što asartymientam ździvić jana nie moža, vyjhravała kankurencyju tolki nizkaj canoj za košt adsutnaści mytnych pošlin na rasiejskija pradukty naftapierapracoŭki i ekspartu pa suśvietnych cenach na suśvietny rynak. Ź niekatorych rynkaŭ, u pieršuju čarhu rasiejskaha i ŭkrainskaha, biełaruskuju pradukcyju chutčej za ŭsio vylacić. Tam jana niekankurentazdolnaja».
Ale navat u lepšyja časy biełaruskija pradpryjemstvy naftachimii pracavali na miažy rentabielnaści. Tak rentabielnaść najbujniejšaha vytvorcy štučnaha vałakna AAT «Mahiloŭchimvałakno» za studzień - vierasień 2009 hoda skłała kala 2,5%, pradukcyi vyrablena na sumu 724,9 młrd. rub. Pry minimalnaj rentabielnaści
luboje pavyšeńnie koštaŭ na syravinu pahražaje pieratvaryć horadaŭtvaralnaje pradpryjemstva Mahilova, na jakim pracuje kala 20 tysiač čałaviek, u stratnaje.
Ministerstva ekanamičnaha raźvićcia Rasii paviedamlaje, šta naftachimija – adna z najbujniejšych halinaŭ narodnaj haspadarki Biełarusi. Jana zajmaje 17% u biełaruskim eksparcie, u śniežni-vieraśni minułaha hoda Biełaruś ekspartavała pradukcyi chimičnaj pramysłovaści na 2,5 miljardy dalaraŭ, ź ich – na 535 u Rasiju. Rasijskija kampanii inviestavali ŭ raźvićcio biełaruskaj naftachimii i zacikaŭlenyja ŭ nabyćci niekatorych pradpryjemstvaŭ, paviedamlaje analityk Minekanomraźvićcia.
