Na ŭsich rekach Biełarusi adbyvajecca rost uzroŭniu vady viesnavoj pavodki. Ab hetym paviedamiła siońnia žurnalistam načalnik adździeła hidrałahičnych prahnozaŭ Respublikanskaha hidramieteacentra Maryna Nahibina.
Sutačnaja intensiŭnaść jaje składaje ŭ asnoŭnym ad 1 da 98 sm, najbolšaja (115-255 sm) adznačajecca kala Vierchniadźvinska na Zachodniaj Dźvinie, jaje prytoku Dziśnie kala h.p.Šarkaŭščyna i na Vilii kala vioski Michališki. Na rekach basiejna Prypiaci na terytoryi Biełarusi ŭzrovień vady pavyšajecca ź intensiŭnaściu 1-24 sm za sutki, a na jaje pravabiarežnych prytokach na terytoryi Ukrainy - da 63 sm.
Za minułyja troje sutak pačaŭsia kryhałom na Niomanie, Vilii, Prypiaci kala mosta Lubanskaha, Haryń kala vioski Małyja Vikaravičy, Druć (prytok Dniapra), Pronia (prytok Soža). Reki Pina i Jasielda (prytoki Prypiaci) ačyścilisia ad lodu.
Na ŭsim praciahu Zachodniaj Dźviny, Dniapra, Biareziny i Soža nazirajecca ledastaŭ, miescami z pałonkami, razvodździami i zakrainami. Paŭsiudna źjaviłasia vada na lodzie, led paciamnieŭ. Taŭščynia ledzianoha pokryva składaje na rekach basiejnaŭ Zachodniaj Dźviny 37-64 sm, Dniapra - 40-43 sm, Biareziny - 34-41 sm, Soža - 23-43 sm. Na Minskim mory, Vilejskim vadaschoviščy i voziery Narač nazirajecca sucelnaje ledzianoje pokryva taŭščynioj 50-64 sm.
Na bolšaści rek vada vyjšła na pojmu. Na Prypiaci kala mosta Lubanskaha i kala vioski Černičy, na Śvisłačy (prytok Biareziny) uzroŭni vady pierasiahnuli niebiaśpiečna vysokija adznaki na 1-6 sm, pry jakich načynajecca padtapleńnie prybiarežnych nasielenych punktaŭ i sielhasuhodździaŭ.
Jak paviedamiła Maryna Nahibina, u dalejšym pavyšeńnie ŭzroŭniu vady na rekach budzie pradaŭžacca, raźlivy rek pavialičacca. U suviazi z hetym buduć naziracca padtapleńni račnymi vodami na pojmiennych učastkach rek i zatapleńni prybiarežnych terytoryj uzdoŭž rek Dzisna kala haradskoha pasiołka Šarkaŭščyna, Nioman kala horada Stoŭbcy, Prypiać kala horada Pietrykava i jaje prytokaŭ Jasielda, Słuč, Pcič, prytoku Zachodniaha Buha Muchaviec kala h.Brest
