Kantrabandnyja biełaruskija cyharety, znojdzienyja ŭ hruzaviku ŭ Padlaskim vajavodstvie Polščy
Hruz ciažkavika spraŭdzili ŭ vioscy Budziska. 52-hadovy kiroŭca, hramadzianin Litvy, pakazaŭ dakumienty, zhodna ź jakimi jon pieravoziŭ płastykavyja vyraby. Padčas detalovaha praviarańnia vyśvietliłasia, što nasamreč u fury było 520 tysiačaŭ biełaruskich cyharetaŭ.
«Kali b hetyja cyharety trapili na nielehalny rynak, dziaržaŭny biudžet straciŭ by amal 14 młn złotych», — paviedamlaje Polskaja padatkovaja słužba.
U ekvivalencie heta $ 3,5 młn.
Suprać kiroŭcy raspačataja sprava, jaho zatrymali. Jamu pahražaje pazbaŭleńnie voli na termin da 10 hadoŭ.
U paviedamleńni adznačajecca, što znajści kantrabandu dapamoh słužbovy sabaka.
Polskija mytniki rehularna vyjaŭlajuć biełaruskija cyharety. Naprykład, u lutym aficery znajšli 241 tysiaču pačkaŭ u tavarnym ciahniku. A ŭ sakaviku pierachapili kantrabandu cyharetaŭ ź Biełarusi, jakuju adpravili pavietranym šaram.
