Piter Chihs. Fota: Wikimedia Commons
«Stała viadoma, što prafiesar Piter Chihs pamior va ŭzroście 94 hadoŭ. Jon mirna pajšoŭ z žyćcia ŭ siabie doma ŭ paniadziełak, 8 krasavika, paśla niepraciahłaj chvaroby», — havorycca ŭ paviedamleńni na sajcie ŭniviersiteta.
Chihs ŭ 1964 hodzie vykazaŭ zdahadku pra isnavańnie novaj čaścicy — bazona. Praz amal paŭstahodździa heta było paćvierdžana na praktycy ŭ chodzie daśledavańniaŭ na Vialikim adronnym kałajdary. Samu čaścicu ŭ vyniku nazvali ŭ honar brytanskaha fizika.
U 2013 hodzie Chihsu sumiesna ź bielhijcam Fransua Enhleram, razam ź jakim jon zrabiŭ pradkazańnie ab isnavańni bazona, była prysudžanaja Nobieleŭskaja premija. U abhruntavańni rašeńnia ab prysudžeńni premii havaryłasia, što jana dajecca za «tearetyčnaje pradkazańnie miechanizmu, jaki dapamahaje razumieć pachodžańnie masy subatamnych čaścic, isnavańnie jakoha było dakazana vyjaŭleńniem pradkazanaj elemientarnaj čaścicy ŭ Vialikim adronnym kałajdary CIERN».
Piter Chihs byŭ taksama łaŭreatam šmat jakich inšych prestyžnych premij i ŭznaharod, taksama jon źjaŭlaŭsia členam navukovych Karaleŭskaha tavarystva Edynburha i Łondanskaha karaleŭskaha tavarystva.
Čytajcie taksama:
Pamior samy stary mužčyna ŭ śviecie. Jon pražyŭ amal 115 hadoŭ, štodnia vypivajučy kielich brendzi
Pamior kapitan kamandy «Adeskija džentlmieny», scenaryst prahramy «Haradok»
