Stralba ŭ škole ŭ Finlandyi: adzin školnik zahinuŭ, dvoje atrymali ranieńni. Strałku — 13 hadoŭ 4

Skrynšot videa Helsingin Sanomat

Pavodle źviestak palicyi, u vyniku stralaniny adzin školnik zahinuŭ, dvoje 13-hadovych paranienyja. Palicyja zatrymała 13-hadovaha padazravanaha. Palicyja taksama vyśviatlaje, ci datyčnyja da zdareńnia inšyja asoby. Palicyjanty nie kamientujuć, jakuju zbroju vykarystaŭ napadnik.

Kamisar pa kryminalnych spravach Kima Chivarynien zajaviŭ, što palicyja praviała bujnamaštabnuju apieracyju, u jakoj brali ŭdzieł piać kiraŭnikoŭ śledčych hrup. Akramia taho, da spravy była pryciahnutaja Centralnaja kryminalnaja palicyja. Palicyja padazraje naŭmysnaje zabojstva i dva zamachi na zabojstva.

U 11:32 palicyjanty zatrymali strałka ŭ Chielsinki. Zatrymany nie akazaŭ supracivu. U jaho znajšli ahniastrelnuju zbroju. 

Zdareńnie adbyłosia ŭ budynku škoły Jokiranta. U navučalnaj ustanovie pracujuć kala 90 čałaviek.

Vučni doŭhi čas znachodzilisia ŭ kłasach, ale kala 13 hadzin ich pačali adpuskać dadomu z baćkami.

Čytajcie taksama:

Šarahoviec Bundeśviera rasstralaŭ čaćviarych čałaviek, u tym liku adno dzicia, na poŭnačy Niamieččyny

Stralba na rynku ŭ Rustavi (Hruzija): čaćviora zabitych, adzin paranieny

U ZŠA novy vypadak stralaniny ŭ škole: niekalki paranienych, napadnik zastreliŭsia

1

4

0

2

8

1

Nashaniva.com