U Saudaŭskaj Aravii mieracca pabudavać dvuchkiłamietrovy chmaračos 3

Fota: Architects' Journal

Hety prajekt mierkavana budzie kaštavać $2 młrd, i jaho padtrymlivaje publičny inviestycyjny fond Saudaŭskaj Aravii.

Budynak u stalicy krainy Er-Ryjadzie dasiahnie vyšyni 2000 mietraŭ i budzie bolš čym udvaja vyšejšym za «Burdž-Chalifu» (828 m) u Dubai, jaki pabudavali ŭ 2010 hodzie.

U prajekcie hetaha niezvyčajnaha chmaračosa, akramia jaho inicyjataraŭ (brytanskaja kampanija Foster + Partners), udzielničajuć šerah inšych viadomych architekturnych firmaŭ. Budaŭnictva pačniecca na ŭčastku, raźmieščanym niedaloka ad mižnarodnaha aeraporta «Karol Sałman», na poŭnač ad stalicy Saudaŭskaj Aravii.

Darečy, kampanija Foster zajmajecca rekanstrukcyjaj hetaha i jašče troch aeraportaŭ u Saudaŭskaj Aravii. Skieptyki prajekta, adnak, zadajucca pytańniem, jak budzie arhanizavanaja ŭ budynku pažarnaja biaśpieka i što budzie, kali adčynić akno na vyšyni 2 km. Niezrazumieła taksama, jak dla takoha ahramadnaha budynka arhanizavać naležny padmurak.

Cikava pry hetym, što akurat ciapier u toj ža Saudaŭskaj Aravii pablizu horada Džyda budujecca vieža Jeddah Tower, jakaja pavinna stać 1000-mietrovym chmaračosam. Novy prajekt adrazu maje zacianić stary. 

Čytajcie taksama:

Japonija płanuje pabudavać całkam aŭtanomny płavajučy horad na 40 tysiač čałaviek

U Dubai prezientavali pieršy pryvatny samalot dla viečarynak. Raskazvajem, što ŭnutry i kolki kaštuje arenda 

U Saudaŭskaj Aravii źjavicca vysokatechnałahičny chmaračos u formie kuba 

1

2

1

3

1

0

Nashaniva.com