Фота: Architects' Journal
Гэты праект меркавана будзе каштаваць $2 млрд, і яго падтрымлівае публічны інвестыцыйны фонд Саудаўскай Аравіі.
Будынак у сталіцы краіны Эр-Рыядзе дасягне вышыні 2000 метраў і будзе больш чым удвая вышэйшым за «Бурдж-Халіфу» (828 м) у Дубаі, які пабудавалі ў 2010 годзе.
У праекце гэтага незвычайнага хмарачоса, акрамя яго ініцыятараў (брытанская кампанія Foster + Partners), удзельнічаюць шэраг іншых вядомых архітэктурных фірмаў. Будаўніцтва пачнецца на ўчастку, размешчаным недалёка ад міжнароднага аэрапорта «Кароль Салман», на поўнач ад сталіцы Саудаўскай Аравіі.
Дарэчы, кампанія Foster займаецца рэканструкцыяй гэтага і яшчэ трох аэрапортаў у Саудаўскай Аравіі. Скептыкі праекта, аднак, задаюцца пытаннем, як будзе арганізаваная ў будынку пажарная бяспека і што будзе, калі адчыніць акно на вышыні 2 км. Незразумела таксама, як для такога аграмаднага будынка арганізаваць належны падмурак.
Цікава пры гэтым, што акурат цяпер у той жа Саудаўскай Аравіі паблізу горада Джыда будуецца вежа Jeddah Tower, якая павінна стаць 1000-метровым хмарачосам. Новы праект адразу мае зацяніць стары.
Чытайце таксама:
Японія плануе пабудаваць цалкам аўтаномны плаваючы горад на 40 тысяч чалавек
У Саудаўскай Аравіі з'явіцца высокатэхналагічны хмарачос у форме куба
