Syna eks-ministra pryrody pačynajuć sudzić za chabar 1

Viktar Kaŭchuta. Fota: STB

Imia Viktara Kaŭchuty, syna byłoha ministra pryrodnych resursaŭ i achovy navakolnaha asiarodździa Andreja Kaŭchuty, źjaviłasia ŭ raskładzie sudoŭ.

Viktaru ciapier 40 hadoŭ i, miarkujučy pa adkrytych krynicach, jon zajmaŭ pasadu pieršaha namieśnika hienieralnaha dyrektara ahrakambinata «Ždanovičy».

Jon prasłaviŭsia tym, što sprabavaŭ u 2016-m hodzie bałatavacca ŭ deputaty i navat źbiraŭsia skłaści kankurencyju «atamanu» Mikałaju Ułachoviču. Ale Kaŭchutu-małodšaha navat nie zarehistravali.

Małady Viktar Kaŭchuta. Fota ź jahonaj staronki Ukantakcie

Nieŭzabavie patrapiŭ u apału i jahony baćka — jaho źniali z pasady ministra i zaviali kryminalnuju spravu za słužbovy padłoh. Paśla 2017-ha Andrej Kaŭchuta źnik z publičnaha pola.

Padzielnik Viktara pa raskładzie sudoŭ — Andrej Iskanderaŭ. My nie adšukali biełarusaŭ z takim proźviščam. Ale jość biznesmen z Rasii, jaki zajmaŭsia optavym handlem sadavinaj i harodninaj. Jamu 57 hadoŭ i ŭ biznesie jon z 1990-ch. Imavierna, što pra jaho i idzie havorka — «Ždanovičy» akurat zajmajucca vyroščvańniem sadaviny i harodniny.

Sudziać Kaŭchutu i Iskanderava za atrymańnie i daču chabaru. Kamu što inkryminujecca, u raskładzie suda nie paznačana.

Abodvum fihurantam pahražaje ad piaci hadoŭ turmy. Sud nad imi pačynajecca 11 sakavika.

Čytajcie taksama:

U Breście zatrymlivali i eks-mera Rahačuka, i abłasnoha kiraŭnika Šulejku

Stała viadoma, čym budzie zajmacca eks-ministr lesu, jakoha pasadzili na siem hadoŭ za chabar, ale nieŭzabavie vypuścili

Ministr, asudžany za chabar na 7,5 hoda, vierahodna, vyjšaŭ praz paŭtara — Biełsat

2

3

5

2

1

2

Nashaniva.com