Na sajcie Centrvybarkama źjaviŭsia śpis kandydataŭ u deputaty pa Minskaj vobłaści.
Źviartaje na siabie ŭvahu Sieńnickaja akruha №76, dzie ad siami pretendentaŭ, jakija zdavali dakumienty na rehistracyju, zastałosia tolki troje kandydataŭ.
Pryčym siarod vykraślenych akazaŭsia namieśnik hiendyrektara ahrakambinata «Ždanovičy» Viktar Kaŭchuta. 33-hadovy mieniedžar — syn ministra pryrody Andreja Kaŭchuty. Jon vyłučaŭsia ad pracoŭnaha kalektyvu.
Inicyjatyva Kaŭtuchi akazałasia niedarečnaj?
Kampanija ŭ Sieńnicy padabrałasia što treba — aktyvist Illa Dabratvor, staršynia Respublikanskaj partyi pracy i spraviadlivaści (jość i takaja!) Vasil Zadniaprany i «kazačy ataman», pradstaŭnik Biełaruskaj patryjatyčnaj partyi Mikałaj Ułachovič.
Nahadajem, što pa prahnozie «NN» mienavita Ułachovič stanie pieramožcam «honki» pa 76-aj akruzie.
