U navahodniuju noč va ŭzroście 37 hadoŭ pamierła amierykanskaja śpiavačka Łchasa de Sieła. Pryčyna śmierci — rak małočnaj załozy.
Łchasa naradziłasia ŭ ZŠA. Jaje baćka — mieksikaniec, maci — amierykanka ź livanskimi karaniami. Va ŭzroście trynaccaci hadoŭ dziaŭčynka pačała śpiavać u hrečaskaj kaviarni ŭ San-Francyska. U 1991 hodzie jana paznajomiłasia z džazavym hitarystam Ivam Deraźje. Tady ŭ Łchasy źjaviłasia ideja zapisać dysk, zasnavany na materyjały mieksikanskich narodnych piesień. Ale praca była skončana tolki ŭ 1997 hodzie. Albom nazyvaŭsia «La Llorona», pa imieni adnaho ź piersanažaŭ mifałahičnych actekaŭ. Kružełka pryniesła maładoj śpiavačcy papularnaść. Jaje palubili za hołas, jaki zavarožvaje słuchača. Zatym byli jašče albom «The living road» i dysk biez nazvy. Krytyki paraŭnoŭvali tvorčaść Łchasy ź pieśniami Siezaryi Evory.
Apošnija dva hady Łchasa praviała ŭ štodzionnaj baraćbie z chvarobaj. Z-za hetaha joj pryšłosia adkłaści i vialiki tur uvosień 2009 hoda.
