Tureckaja palicyja za tydzień znajšła ŭžo piać miortvych ciełaŭ na plažach u pravincyi Antalja, piša Sputnik sa spasyłkaju na miascovuju presu.
Apošni taki vypadak adbyŭsia ŭ subotu, paviedamlajecca, što palicyjanty znajšli cieła mužčyny na plažy ŭ rajonie Tašahył pablizu Manaŭhata. Adnačasova jašče adno cieła znojdziena na plažy hatela ŭ rajonie Kyzyłot, havorycca ŭ publikacyi.
Udakładniajecca, što abodva cieły zhniŭšyja, na trupach zachavalisia tolki šorty i abutak, što moža ŭskładnić praces pošuku svajakoŭ i apaznańnie, zaznačaje hazieta.
Ciapier cieły znachodziacca ŭ sudmiedekśpiertaŭ, jakija majuć namier ustanavić asoby zahinułych i abstaviny ich śmierci.
Raniej u subotu na plažy ŭ rajonie Kadryje było znojdziena cieła maładoj dziaŭčyny. Za try dni raniej ŚMI paviedamili pra inšuju strašnuju znachodku — na plažy rajona Kanakły ŭ Antalji byli znojdzieny reštki dziaŭčynki prykładna 10 hadoŭ.
Samaja pieršaja žudasnaja znachodka była znojdzienaja ŭ sieradu — supracoŭniki hatela Amelia Beach u Manaŭhacie paviedamili ŭ palicyju ab tym, što znajšli na plažy cieła biez hałavy i pravaj ruki.
Aficyjnych zajaŭ ad palicyi Antalji nakont žudasnych znachodak pakul nie było.
Čytajcie taksama: