Turma, dzie ŭtrymlivajuć Brejvika. Skryn videa Dagbladet TV
Narviežski teraryst Anders Brejvik, jaki zabiŭ 77 čałaviek u 2011 hodzie, u paniadziełak 8 studzienia ŭ druhi raz pasprabuje padać u sud na narviežskuju dziaržavu. Jon ličyć, što taja parušaje ŭ adnosinach da jaho pravy čałavieka, paviedamlaje The Associated Press.
Brejvik śćviardžaje, što jaho adzinočnaje źniavoleńnie pryraŭnoŭvajecca da biesčałaviečnaha abychodžańnia ŭ adpaviednaści ź Jeŭrapiejskaj kanviencyjaj pa pravach čałavieka.
Turma, dzie ŭtrymlivajuć Brejvika. Skryn videa Dagbladet TV
Jak piša AP, Brejvik žyvie ŭ dvuchpaviarchovym kompleksie z kuchniaj, stałovaj i televizijnym pakojem z prystaŭkaj Xbox, niekalkimi kresłami i čorna-biełymi fatahrafijami Ejfielevaj viežy na ścianie. U jaho taksama jość trenažornaja zała z hantelami, biehavoj darožkaj i viaślarnym trenažoram, a pa kompleksie lotajuć try papuhai.
Turma, dzie ŭtrymlivajuć Brejvika. Skryn videa Dagbladet TV
Turma, dzie ŭtrymlivajuć Brejvika. Skryn videa Dagbladet TV
Na knižnaj palicy možna pabačyć ruskuju litaraturu, naprykład, piśmieńnika Varłama Šałamava, jaki prajšoŭ HUŁAH.
Turma, dzie ŭtrymlivajuć Brejvika. Skryn videa Dagbladet TV
Turma, dzie ŭtrymlivajuć Brejvika. Skryn videa Dagbladet TV
Advakat Brejvika nastojvaje, što pakolki terarysta pazbavili mahčymaści adpraŭlać listy, heta jašče adno parušeńnie jaho pravoŭ.
Turma, dzie ŭtrymlivajuć Brejvika. Skryn videa Dagbladet TV
Brejvik raniej užo skardziŭsia na ŭmovy ŭtrymańnia, ale jaho skarhi ŭ vyniku nie zadavolvali. A ŭ 2022-m jon damahaŭsia ŭmoŭna-daterminovaha vyzvaleńnia (biespaśpiachova — paličyli, što ŭ jaho niama prykmiet reabilitacyi).
Turma, dzie ŭtrymlivajuć Brejvika. Skryn videa Dagbladet TV
22 lipienia 2011 hoda Brejvik zabiŭ vosiem čałaviek u vyniku vybuchu bomby ŭ Osła (jon uzarvaŭ aŭto kala ŭradavych budynkaŭ). A paśla adpraviŭsia ŭ moładzievy łahier na vostravie Utoja, dzie, pieraapranuŭšysia palicyjantam, jon vysačyŭ i zastreliŭ 69 čałaviek, u asnoŭnym padletkaŭ. U nastupnym hodzie Brejviku vynieśli maksimalny prysud u 21 hod z ahavorkaj — jana redka vykarystoŭvajecca ŭ narviežskaj sudovaj sistemie — pra toje, što jon moža ŭtrymlivacca pad vartaj niavyznačany termin, kali jon pa-raniejšamu budzie ličycca niebiaśpiečnym dla hramadstva.
Turma, dzie ŭtrymlivajuć Brejvika. Skryn videa Dagbladet TV
Brejvik nie vykazaŭ nijakaha raskajańnia ŭ svaich napadkach, jakija jon adlustravaŭ jak kryžovy pachod suprać multykulturalizmu ŭ Narviehii.
Čytajcie taksama:
Što viadoma pra strałka, jaki zabiŭ nie mienš za 15 čałaviek u Prazie
Narviežski sud admoviŭsia vypuścić Brejvika, vinavataha ŭ zabojstvie 77 čałaviek
