Luk Litler (Luke Littler) staŭ siensacyjaj čempijanatu śvietu pa dartsie. U svaje 16 hadoŭ jon dajšoŭ da finału, u jakim, praŭda, prajhraŭ 28-hadovamu Luku Chamfrysu (Luke Humphries).
Zirnicie na zdymak. Ci pavierycie vy, što pamiž hetymi chłopcami bolš za 10 hadoŭ roźnicy? Jany vyhladajuć jak minimum ravieśnikami. Nichto nie vieryć, što Luku Litleru ŭsiaho 16 hadoŭ.
Źleva — 28-hadovy Luk Chamfras, sprava — 16-hadovy Luk Litler. Kałaž na padstavie zdymkaŭ Tom Dulat / Getty Images
Pytańnie ab uzroście zadavali spartsmienu, i jamu davodziłasia apraŭdvacca, što jamu sapraŭdy šasnaccać. A barada, pa jaho słovach, pačała raści niekalki hadoŭ tamu.
U internecie raspaŭsiudzili navat siertyfikat ab naradžeńni Litlera sa špitala ŭ Uorynhtonie — horadzie ŭ hrafstvie Češyr. Zhodna ź im, Luk naradziŭsia 21 studzienia 2007 hoda. Praź niekalki tydniaŭ jamu budzie 17 hadoŭ.
Siertyfikat ab naradžeńni Luka Litlera. Fota: talkSPORT/X (Twitter)
Jak zajaŭlaje sam Luk, dartsam jon pačaŭ zajmacca jašče va ŭzroście dvuch hadoŭ. I hetamu jość videadokazy.
Vyrašalny matč Luk Litler prajhraŭ. Na heta paŭpłyvała i jaho niavopytnaść. Ale ŭ jaho jość jašče jak minimum hadoŭ 40 na toje, kab zastavacca ŭ hulni.
Čytajcie jašče:
Pamiž pažadaju i ahidaju: vałasy na ciele ŭ roznych kulturach i epochach
«Byvaje, što mianie prymajuć za bamža». Žurnalisty adšukali pijanista, jaki staŭ haradskoj lehiendaj
