Fota: BiełTA
Mahčymaść vystupleńnia na mižnarodnych spabornictvach pad niejtralnym ściaham atrymali spartsmieny nacyjanalnaj kamandy Ryhor Piakarski, Viktar Stasiałovič i Rusłan Skamaroška.
Taksama zajaŭki na atrymańnie adpaviednych statusaŭ uchvaleny ŭ trenieraŭ Aleny Maluska, Ihara Makiejeva, Marka Zakutnieva i Siarhieja Ramanoŭskaha, doktara Alaksandra Šulakoŭskaha.
Takim čynam, ahulnaja kolkaść biełaruskich płyŭcoŭ, dapuščanych da ŭdziełu ŭ mižnarodnych startach, dasiahnuła siami — raniej niejtralny status atrymali Illa Šymanovič, Anastasija Škurdaj, Alina Zmuška i Anastasija Kulašova, a taksama trenier Andrej Lipnicki.
Dla taho kab zavajavać licenziju na Alimpijskija Hulni ŭ Paryžy, kožny płyviec pavinien vykanać kvalifikacyjny narmatyŭ na mižnarodnym turniry pad ehidaj World Aquatics (toje ž samaje tyčycca i spartoŭcaŭ u inšych dyscyplinach, dla ŭdziełu ŭ Alimpijadzie im treba paśpieć pryniać udzieł u kvalifikacyjnych spabornictvach — NN).
Dvoje biełarusak pasprabujuć prajści adbor užo na hetym tydni na spabornictvach Gyor Open u Vienhryi. Anastasija Škurdaj zajaŭlena na dystancyi 50 m volnym stylem, 200 m na śpinie, 50 m baterflajem i 50 m na śpinie, Anastasija Kulašova prapłyvie 50 mietraŭ i sto mietraŭ baterflajem.
Čytajcie taksama:
MAK dapuściŭ biełaruskich i rasijskich spartoŭcaŭ da Alimpijady-2024
Lohkaatletaŭ ź Biełarusi i Rasii na Alimpijadzie nie budzie — prezident World Athletics
NAK vitaŭ dopusk da Alimpijady, ale nazvaŭ jaho ŭmovy dyskryminacyjnymi
