Bresckaje TB apublikavała rolik pra «vyjaznoje pasiadžeńnie Baranavickaha suda». Sudzili žychara Baranavičaŭ, rolu prakurorki vykonvała Śviatłana Pasiemka, rolu sudździ — Mikałaj Kmita. Pasiadžeńnie prachodziła ŭ Baranavickim dziaržaŭnym kaledžy lohkaj pramysłovaści.
Jak ustanaviła Bieraściejskaja «Viasna», abvinavačanaha zavuć Valeryj Tacyn, jamu 48 hadoŭ. A sud prachodziŭ 28 listapada.
Mužčynu abvinavacili ŭ tym, što jon napisaŭ niekalki internet-kamientaroŭ pra Łukašenku, jakija paličyli «publičnaj abrazaj». Heta značyć Tacyn, pa viersii prakuroraŭ i suda, nibyta ździejśniŭ złačynstva pa č. 1 art.368 KK RB.
U vyniku jamu prysudzili 1 hod kałonii i na vačach navučencaŭ kaledža nadzieli kajdanki, vynikaje z repartažu dziaržaŭnaha telebačańnia.
Čytajcie taksama:
Čarhovy sud nad błohieram Cyhanovičam. Dva hady tamu jamu dali 16 hadoŭ
U žychara Kobryna za danat 60 dalaraŭ ździorli 2000 rubloŭ. Ale kryminałku ŭsio roŭna zaviali
