Брэсцкае ТБ апублікавала ролік пра «выязное пасяджэнне Баранавіцкага суда». Судзілі жыхара Баранавічаў, ролю пракуроркі выконвала Святлана Пасемка, ролю суддзі — Мікалай Кміта. Пасяджэнне праходзіла ў Баранавіцкім дзяржаўным каледжы лёгкай прамысловасці.

Як устанавіла Берасцейская «Вясна», абвінавачанага завуць Валерый Тацын, яму 48 гадоў. А суд праходзіў 28 лістапада.

Мужчыну абвінавацілі ў тым, што ён напісаў некалькі інтэрнэт-каментароў пра Лукашэнку, якія палічылі «публічнай абразай». Гэта значыць Тацын, па версіі пракурораў і суда, нібыта здзейсніў злачынства па ч. 1 арт.368 КК РБ.

У выніку яму прысудзілі 1 год калоніі і на вачах навучэнцаў каледжа надзелі кайданкі, вынікае з рэпартажу дзяржаўнага тэлебачання.

Чытайце таксама:

Чарговы суд над блогерам Цыгановічам. Два гады таму яму далі 16 гадоў

«Сказала, што нават год за кратамі можна параўнаць са смяротным прысудам». Як пенсіянерка апынулася за кратамі за палітыку

У жыхара Кобрына за данат 60 даляраў здзёрлі 2000 рублёў. Але крыміналку ўсё роўна завялі

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?