Niadaŭna siudy ŭžo naviedvalisia supracoŭniki DFR.
Siońnia ranicaj, 18 śniežnia, u Dom polski ŭ Iviancy pryjechali z Vałožyna dva supracoŭniki adździełu pa baraćbie z ekanamičnaj złačynnaściu, paviedamlaje Radyjo Svaboda sa spasyłkaj na słovy kiraŭnika Domu polskaha Teresa Sobal. Jana skazała, što milicyjanty pačali razmovu z buchhałtaram.
Niadaŭna Dom polski pravieryŭ departamient finansavych rasśledavańniaŭ z Maładečna i pracaŭniki nie čakali tak chutka novaj pravierki.
12 kastryčnika ŭ Domie polskim u harpasiołku Ivianiec Vałožynskaha rajonu Minskaj vobłaści pierapisali ŭsie kresły, šafy, stały i navat paduški i praściny ŭ spačyvalnym pakoi.
U dadzieny momant śledčyja ABEZ kapirujuć śpisy ludziej, jakija akazvali materyjalnuju dapamohu Domu Polskamu. Raniej hetyja samyja śpisy ŭžo praviarała padatkovaja inśpiekcyja Vałožynskaha rajonu. Ciapier za heta pa druhim kruzie voźmiecca milicyja, piša ŭ svaim błohu hrodzienski žurnalist Andrej Pačobut, staršynia hałoŭnaj rady niepryznanaha ŭładami Sajuza palakaŭ.
