Na 30 listapada ŭ Pałacie pradstaŭnikoŭ pryznačany słuchańni pa źmienach u vybarčaje zakanadaŭstva ŭ pieršym čytańni, u druhim čytańni — na 10 śniežnia. Pra heta ŭ intervju BiełaPAN paviedamiła staršynia Centralnaj kamisii pa vybarach i praviadzieńni respublikanskich refierendumaŭ Lidzija Jarmošyna.
«Da kanca raboty hetaj siesii pałat Nacyjanalnaha schodu, a jana zakryvajecca 18 śniežnia, ja ŭpeŭniena, zakonaprajekt budzie pryniaty», — skazała jana.
Nabyć moc zakonaprajekt pavinien praz 10 dzion paśla aficyjnaha apublikavańnia.
«U 20‑ch ličbach studzienia źjavicca ŭkaz ab praviadzieńni miascovych vybaraŭ. Da hetaha času dakumient budzie padpisany i apublikavany», — skazała Jarmošyna.
Jana adznačyła vialikaje hramadskaje značeńnie hetaha zakona.
«Z momantu daručeńnia kiraŭnika dziaržavy ab raspracoŭcy prapanoŭ pa źmienie vybarčaha zakanadaŭstva ŭsie srodki masavaj infarmacyi raźmiaścili publikacyi na hetuju temu, prajšła anłajn‑kanfierencyja z maim udziełam. Usie mahli abmierkavać infarmacyju», — zaŭvažyła Jarmošyna.
«Što da arhanizacyi forumaŭ, to, vy viedajecie, kali chočaš pachavać lubuju ideju — naładź hramadskaje abmierkavańnie», — skazała kiraŭnik Centrvybarkama.
