Hatel adkryli ŭ zakinutaj šachcie viktaryjanskaj epochi ŭ hornym masivie Snaŭdonija na hłybini 1375 futaŭ, ci 419 mietraŭ.
Miescaŭ u hateli niašmat. Zabraniravać možna ŭsiaho čatyry dvuchmiesnyja domiki i adzin kamienny hrot z dvuchspalnym łožkam. Adpaviedna načleh i niatanny: 350 funtaŭ sterlinhaŭ (440 dalaraŭ) za domik abo 550 funtaŭ (691 dalar) za ramantyčny hrot. Pryčym zabraniravać miescy možna tolki na adnu noč z suboty na niadzielu.
Jašče adzin niuans — daroha ŭ niezvyčajny hatel. Turystam prapanujuć spačatku ździejśnić 45-chvilinnaje ŭzychodžańnie ŭ hory, a zatym jašče hadzinu patracić na padziemny spusk pa staradaŭnich šachciorskich štrekach.
Ałkahol u hateli zabaronieny, a voś za śniadanak i viačeru ŭžo dapłačvać nie daviadziecca — jany ŭklučanyja ŭ košt.
Jašče adna asablivaść padziemnaha hatela ŭ tym, što ŭ im chaładnavata — usiaho kala 10 hradusaŭ pa Celsiju. Numary, adnak, acieplenyja, da taho ž abstalavanyja tualetam, jość vada i elektryčnaść, pracuje Wi-Fi.
Čytajcie taksama:
Narešcie źjaviłasia toje, što ŭsie čakali, — rovar z trochkutnymi kołami
U abłomkach «Tytanika» znajšli karali z zubam miehaładona — hihanckaj staražytnaj akuły
