«Siońnia ja atrymała zołata. Reabilitacyja paśla 100 mietraŭ prajšła paśpiachova. Na žal, upieršyniu ŭ žyćci pierad startam u mianie zdaryłasia mocnaja paničnaja ataka, praź jakuju ja nie mahła kantralavać siabie, choć była ŭpeŭnienaja i hatovaja da chutkaha biehu, ale hety dośvied mnie vidavočna patrebny. Ciapier ja viartajusia ŭ Varšavu i pierš za ŭsio budu kłapacicca pra svajo zdaroŭje, a potym budzie šmat startaŭ i dobrych vynikaŭ», — napisała Kryścina.
Kryścina Cimanoŭskaja padčas Alimpijskich hulniaŭ u Tokia ŭ 2021 hodzie raskrytykavała kiraŭnictva biełaruskaj kamandy za toje, što jaje razam ź inšymi spartoŭkami chacieli pastavić biehčy estafietu na toj dystancyi, jakuju jana nikoli nie biehała. Paśla taho jaje adchilili ad spabornictvaŭ i sprabavali vyvieźci ŭ Biełaruś, ale jana admoviłasia pakinuć Japoniju i paprasiła mižnarodnaj abarony. Paśla taho jana pierajechała ŭ Polšču, atrymała hramadzianstva hetaj krainy i źbirajecca jaje pradstaŭlać na mižnarodnych spabornictvach.
Čytajcie taksama:
Čempijonam Polščy pa boksie staŭ były člen zbornaj Biełarusi
Biełarus pryvioŭ «Arys» da załatych miedaloŭ čempijanatu Kipra
«Cyrku ŭsio roŭna, chto ŭ im pracuje» — udzielnik Cirque du Soleil ab pryjeździe Ułada Hančarova
