Byłomu inkasataru «Biełhazprambanka» i eks-śpiecnazaŭcu ŭ Minskim haradskim sudzie 16 maja ahučyli prysud — 4 hady kałonii va ŭmovach uzmocnienaha režymu. Sudździa Viera Hałaŭkova pryznała Jana vinavatym pavodle art. 342 KK (aktyŭny ŭdzieł u hrupavych dziejańniach, jakija hruba parušajuć hramadski paradak) i č. 1 art. 13 i č. 1 art. 361-3 KK (padrychtoŭka da ŭdziełu na terytoryi zamiežnaj dziaržavy va ŭzbrojenym farmavańni), paviedamlaje «Viasna».
Sud nad palitviaźniem raspačaŭsia 10 maja ŭ Minharsudzie. Viadoma, što na sudzie Jan svaju vinu nie pryznaŭ.
Adzin sa śviedak na sudzie zajaviŭ, što «na jaho akazvali cisk, i jon padpisvaŭ usio, što skažuć». U jakaści dokazaŭ viny Jana ahučvalisia jaho pryvatnyja pierapiski z žonkaj, a taksama siabrami, jakija, pavodle śledstva, słužać va Ukrainie ŭ pałku Kalinoŭskaha.
Padtrymajcie palitviaźnia hrašovymi pieravodami, pasyłkami i listami: SIZA-1, 220030, Minsk, Vaładarskaha, 2, Jan Valerjevič Papkovič.
Čytajcie taksama:
U Minsku sudziać inkasatara. Jaho zatrymali za dzień da adjezdu za miažu
