Skryn videa ANT
Napiaredadni KDB zajaviŭ, što na 9 Maja ŭ Minsku rychtavalisia terakty. Siońnia ANT pakazała, kaho zatrymali pa hetym abvinavačańni. Admietna, što ŭ filmie byli nie tolki kadry z dopytu moładzi, ale i «mastacka-ahitacyjny pradakšn» ad žurfaka.
Scenki, u jakich hrajuć žurfakaŭcy, takija: niejki pryjaciel u pierapiscy prosić studenta zabrać pasyłku, toj pahadžajecca; paśla maładych ludziej źbirajuć u zale žurfaka na prahlad prapahandysckaha filma ANT pra toje, jak heta moža być niebiaśpiečna zabirać nieviadomyja pasyłki ad znajomych z-za miažy, i jon pieradumvaje.
Hałoŭnuju rolu vykanaŭ 18-hadovy Ilja Mironaŭ. Chłopiec ź Minska, vučycca na 1 kursie, śpiecyjalnaść «žurnalistyka (pa napramkach)». Jon vypusknik Liceja BDU.
Ilja Mironaŭ. Skryn videa ANT
Niadaŭna Mironaŭ udzielničaŭ u konkursie «Mistar žurfak». Vidać, z hetym źviazana jaho apisańnie na staroncy ŭ instahramie — «mistar zakuliśsie».
«Hod tamu mnie zdavałasia, što ja nikomu nie patrebny. Mnohaje z taho, pra što ja maryŭ, nie spraŭdziłasia, i z aktyŭnaha i viasiołaha zabaŭnika ja pieratvaryŭsia ŭ šeraha i tužlivaha abyvaciela. Adsiul pajšła maja niaŭśmiešlivaść, z-za jakoj ja ŭvieś čas vyhladaju sumnym», — pisaŭ u instahramie Mironaŭ i paśla raskazvaŭ, jak zdorava, što jaho prapuścili na konkurs, bo heta źmianiła jaho śviet.
Ilja Mironaŭ. Fota: sacsietki
Druhi student, jaki braŭ udzieł u zdymkach, — Uładzisłaŭ Pierałyhin. Jamu taksama 18 hadoŭ, chłopiec rodam ź Vietki. Vučycca pa śpiecyjalnaści «žurnalistyka (pa napramkach)». «Muzykant», — piša pra siabie.
Uładzisłaŭ Pierałyhin. Skryn videa ANT
«Płany na budučyniu hrandyjoznyja. Ja chaču pastupić na fakultet žurnalistyki BDU. I spadziajusia, što ŭ budučyni stanu viadučym infarmacyjna-analityčnaj pieradačy adnaho ź viadučych telekanałaŭ krainy», — raskazvaŭ jon u efiry «Biełaruś 4» da pastupleńnia.
Uładzisłaŭ Pierałyhin. Fota: sacsietki
U sacsietkach chłopiec dniami dzialiŭsia, što byŭ na aficyjnych śviatočnych mierapryjemstvach da 9 Maja.
«Upieršyniu pabačyŭ prezidenta ŭžyvuju», — padpisaŭ jon fota ŭ storyz.
Storyz ź instahrama Uładzisłava
Taksama ŭ zdymkach uziali ŭdzieł dźvie vykładčycy fakulteta žurnalistyki BDU.
Heta zahadčyca kafiedry telebačańnia i radyjoviaščańnia Alesia Kuźminava i dacentka kafiedry pieryjadyčnaha druku i veb-žurnalistyki Alicyja Piniuta (byłaja redaktarka zavodskaj haziety MTZ).
Alesia Kuźminava. Skryn videa ANT
Raniej Alesia Kuźminava apraŭdvałasia za adpačynak u Jeŭropie i raskazvała pra «niepryhožych amierykancaŭ».
Kali student pa siužecie sprabuje adprasicca, kab nie iści na prahlad filma «pra terarystaŭ», Piniuta nastaŭlaje jaho:
«Vy, kaniečnie, možacie stavić asabistyja płany vyšej za hramadskija, ale nie ŭ hetym vypadku. Schadzicie na infahadzinu, kab paśla ŭsio žyćcio nie biehać z aŭtamatam».
Alicyja Piniuta. Skryn videa ANT
Čytajcie taksama:
Novy film ANT pra «terarystaŭ» akazaŭsia žurfak-sinema-pradakšn. Ale za kraty kinuli čaćviarych
