Jak paviedamlajuć vartyja davieru krynicy «Radyjo Svaboda» ŭ Brusieli, u nastupny pakiet sankcyj prapanujuć uklučyć načalnika Biełaruskaj čyhunki Uładzimira Marozava i staršyniu Dziaržaŭnaha vajskova-pramysłovaha kamiteta Dźmitryja Pantusa.
Uładzimir Marozaŭ, načalnik BČ. Fota railways.info.
Marozaŭ, jak śćviardžajecca, padtrymlivaŭ razhortvańnie i transparciroŭku rasijskaha vajskovaha piersanału i techniki, jakija ŭdzielničali ŭ vajnie va Ukrainie tamu niasie adkaznaść za padtrymku i realizacyju dziejańniaŭ i palityki, jakija padryvajuć i pahražajuć terytaryjalnaj cełasnaści, suvierenitetu i niezaležnaści Ukrainy.
Dźmitryj Pantus.
VPK Biełarusi pad kiraŭnictvam Pantusa sadziejničaje vytvorčaści zbroi padviedamasnymi pradpryjemstvami, zabiaśpiečvaje vajskova-pramysłovuju kaapieracyju, ažyćciaŭlaje nahlad za pieramiaščeńniem zbroi praź dziaržaŭnuju miažu i zabiaśpiečvaje navihacyju rasijskaha vojska. Padkreślivajecca, što na svajoj pasadzie Dźmitryj Pantus akazvaje vajennuju padtrymku Rasii ŭ jaje ahresiŭnaj vajnie suprać Ukrainy.
10 maja ambasadary ES upieršyniu abmiarkujuć novy pakiet sankcyj suprać Rasii. Pakul jon jašče daloki ad kančatkovaha ŭzhadnieńnia, paviedamili krynicy «Svabody».
Pryniaćcie čarhovaha pakieta sankcyj adnosna Biełarusi pa-raniejšamu zamarožanaje. Jano nie prasoŭvajecca z pryčyny pytańnia ŭhnajeńniaŭ: šerah krain Zachodniaj Jeŭropy nastojvajuć na pasłableńni sankcyjnych abmiežavańniaŭ, što tyčacca ekspartu biełaruskich uhnajeńniaŭ.
