«Naŭmysny napad na rasijski samalot u niejtralnaj pavietranaj prastory — nie prosta złačynstva pavodle mižnarodnaha prava, ale i adkrytaje abviaščeńnie vajny najbujniejšaj jadziernaj dziaržavie», — skazaŭ Antonaŭ.
U aŭtorak viečaram sienatar ad Respublikanskaj partyi Hrem zaklikaŭ pryciahnuć Kreml da adkaznaści za katastrofu amierykanskaha drona. Jon raskrytykavaŭ prezidenta ZŠA Džo Bajdena za niedastatkova rašučy adkaz na toje, što adbyłosia ź bieśpiłotnikam.
«Kali vy nabliziciesia da amierykanskaha abjekta, jaki lacić u niejtralnych vodach, vaš samalot pavinien być źbity, — skazaŭ Hrem u efiry telekampanii FoxNews u aŭtorak viečaram. — Što b ciapier zrabiŭ Ronald Rejhan? Jon by pačaŭ źbivać rasijskija samaloty, kali jany pahražajuć našym abjektam. Amierykanskaja źniešniaja palityka ŭpała nižej za plintus».
«Słabaść pryvodzić da pravakacyj, — dadaŭ Hrem. — Jany viedajuć, što im heta sydzie z ruk».
Vašynhton śćviardžaje, što amierykanski bieśpiłotnik, jaki lacieŭ nad niejtralnymi vodami niepadalok ad Kryma, upaŭ paśla sutyknieńnia z rasijskim źniščalnikam, jaki da hetaha skidaŭ na jaho paliva.
Ministerstva abarony Rasii pryznaje, što dron byŭ pierachopleny rasijskimi źniščalnikami, adnak admaŭlaje fakt sutyknieńnia i nastojvaje, što MQ-9 Reaper upaŭ sam pa sabie.
Kiraŭnictva Ukrainy nazvała toje, što adbyłosia, śviadomaj sprobaj Rasii eskalavać kanflikt.
Načalniki hienštaboŭ RF i ZŠA Valeryj Hierasimaŭ i Mark Mili, a taksama ministry abarony RF i ZŠA Siarhiej Šajhu i Łojd Ościn praviali telefonnyja pieramovy nakont incydentu. Detali pieramoŭ nie raskryvajucca.
Čytajcie taksama:
ZŠA zrabili zachady, kab źbity bieśpiłotnik nie trapiŭ u čužyja ruki
ZŠA dystancyjna vydalili sakretnuju infarmacyju ź bieśpiłotnika, jaki ŭpaŭ u Čornym mory
