Pres-sakratar prezidenta Rasii Dźmitryj Piaskoŭ nie staŭ kamientavać paviedamleńni ab paškodžańni rasijskaha samalota DRŁV A-50 u vyniku ataki dronaŭ na vajskovym aeradromie Mačuliščy pad Minskam.
«Nie, nam niama čaho tut kazać. Heta ŭsio ž infarmacyja, jakaja była apublikavanaja, u joj išła havorka pra Biełaruś, i Biełaruś abvierhła», — skazaŭ Piaskoŭ žurnalistam.
Ale biełaruskija aficyjnyja asoby nijak nie kamientavali incydent u Mačuliščach i nie abviarhali jaho.
Učora rankam kala 9-j ranicy na aeradromie byli čutnyja dva vybuchi. Paviedamlałasia, što paciarpieŭ vielmi kaštoŭny rasijski samalot dalokaj raźviedki DRŁV A-50, jon byŭ padarvany ŭ dvuch miescach. Usiaho takich samalotaŭ u Rasii, spraŭnych i niaspraŭnych, dzieviać. Jon vykarystoŭvaŭsia dla naviadzieńnia rasijskich rakiet na celi va Ukrainie.
Kiraŭnik abjadnańnia BYPOL Alaksandr Azaraŭ paźniej paviedamiŭ, što rasijski samalot A-50 atakavali z pavietra. Napad z dapamohaj dvuch dronaŭ učynili ŭdzielniki płana «Pieramoha», jany ciapier u biaśpiecy.
