Sankcyi byli ŭviedzieny ŭ dačynieńni da asob, jakija prymajuć rašeńni ŭ Rasii, i tych, chto tym ci inšym čynam sadziejničaje rasijskaj ahresii va Ukrainie.
Siarod asob, što trapili pad sankcyi, — prapahandysty i mieniedžary prapahandysckich resursaŭ: vajenkar Alaksandr Koc, vykanaŭčy dyrektar miedyjahrupy «Rasija siońnia» Kirył Vyšynski, hałoŭred ahienctva Regnum Maryna Achmiedava, namieśnik hiendyrektara Pieršaha kanała Kirył Klajmionaŭ i inš.
Akramia taho, abmiežavańni ŭviedzienyja ŭ dačynieńni da ŭsich čatyroch namieśnikaŭ kiraŭnika Raskamnahlada.
U śpis ES trapili «Alfa-bank», «Tińkoff bank» i «Rosbank», a taksama Fond nacyjanalnaha dabrabytu.
Ahułam u śpis jurydyčnych asob uklučanyja 33 rasijskija kampanii, hałoŭnym čynam VPK, mašynabudaŭničyja i technałahičnyja, u tym liku kancern «Ałmaz — Antej» i pradpryjemstva «Atamfłot», jakoje ŭvachodzić u sistemu Rasatama. Taksama ŭ śpis trapiła transpartnaja kampanija z AAE.
ES uvioŭ asobny błok sankcyj u dačynieńni da PVK« Vahnier», u jaki ŭklučany 11 fizičnych asob i 7 arhanizacyj.
Jeŭrasajuz zabaraniŭ pastaŭki ŭ Rasiju tavaraŭ padvojnaha pryznačeńnia i ich tranzit praź jaje;
vykarystoŭvać hazaschoviščy Jeŭrasajuza;
impartavać z Rasii asfalt, bitum i sintetyčnuju humu.
ES taksama ŭvioŭ handlovyja abmiežavańni suprać Rasii, u tym liku na elektronnyja kampanienty i budaŭničuju techniku, na sumu €11,4 młrd.
U sankcyjny śpis ES taksama trapiła čaćviora hramadzian Irana, jakija majuć dačynieńnie da raspracoŭki i pastaŭki bieśpiłotnikaŭ, jakija Rasija vykarystoŭvała suprać Ukrainy.
