Fota: sk.gov.by
Adnak śledstva vyśvietliła, što ŭsio było zusim nie tak.
Uviečary 17 lutaha 32-hadovaja maci dziaŭčynki vypivała razam z sužycielem. Šum dziaciej u susiednim pakoi im pieraškadžaŭ, i žančyna pasprabavała supakoić małych pahrozami i krykami. Kali heta nie spracavała, u prystupie złości žančyna schapiła ŭ ruki kuchonnyja nažnicy i kinuła vastryjom u starejšuju dačku. U vyniku ŭ dziaŭčynki pranikalnaja traŭma hałavy ź pierałomam kostak čerapa. Ciapier jaje žyćciu ničoha nie pahražaje.
Jak usio było nasamreč, paźniej raspaviała małodšaja siastra paciarpiełaj.
Žančynu apieratyŭna zatrymali supracoŭniki milicyi. Padčas dopytu jana raspaviała śledčamu, što paprasiła dziaciej schłusić pravaachoŭnikam — spałochałasia, što jaje pasadziać u turmu, a dziaciej zabiaruć u prytułak.
Šmatdzietnaja maci znachodzicca ŭ adpačynku pa dohladzie za dziciom da 3 hadoŭ, jaje małodšamu synu ŭsiaho adzin hod. Paśla zdareńnia dziaciej zabrali ź siamji, ciapier jany znachodziacca pad nahladam śpiecyjalistaŭ.
Žančynie vystaŭlena abvinavačańnie pa artykule ab naŭmysnym pryčynieńni ciažkaha cialesnaha paškodžańnia, ździejśnienaha ŭ dačynieńni da zaviedama małaletniaha. Jana pad vartaj.
Rasśledavańnie kryminalnaj spravy praciahvajecca.
