Fota: vecteezy
Ułady Ispanii vydatkavali zvyš 258 miljonaŭ jeŭra na pabudovu sučasnych ciahnikoŭ, jakija zavialikija dla ispanskich čyhunačnych tunelaŭ. Pra heta 10 lutaha paviedamiła ahienctva Euronews sa spasyłkaj na miascovyja ispanskija ŚMI.
Hałoŭny ispanski čyhunačny apieratar Renfi ŭsiaho zamoviŭ 31 novy ciahnik dla paŭnočnych pravincyj Ispanii. Ciapier ža płany abnaŭleńnia pieranieśli minimum na pačatak 2026 hoda.
Z-za hetaha byli zvolnienyja kiraŭniki ŭžo dźviuch transpartnych kampanij, jakija majuć dačynieńnie da vykanańnia zamovy na ciahniki. Pry hetym, jak paviedamlaje Euronews, pra padobnuju «nievialikuju pamyłku» było viadoma jašče ŭ 2021 hodzie, adnak hetamu nie nadali dastatkovaj uvahi.
«Heta nieapisalny pravał, i za heta pavinny palacieć hałovy», — skazaŭ Mihiel Anchiel Revilla, prezident paŭnočnaj ispanskaj pravincyi Kantabryja.
Čyhunačnuju sietku hetaha rehijona zbudavali jašče ŭ XIX stahodździ. Jana pierasiakaje hory i z pryčyny hetaha maje čyhunačnyja tuneli roznaha pamieru, častka jakich nie adpaviadaje pamieram sučasnych ciahnikoŭ.