Fota: AP
Ministr zamiežnych spraŭ Niamieččyny Analena Bierbak u paniadziełak zaklikała da stvareńnia śpiecyjalnaha mižnarodnaha trybunała, kab sudzić rasijskaje kiraŭnictva za ŭvarvańnie va Ukrainu, paviedamlaje «Hołas Amieryki».
«Nieabchodny trybunał, jaki zmoža rasśledavać dziejańni rasijskaha kiraŭnictva i addać jaho sudu», — skazała Bierbak, vystupajučy z prahramnaj pramovaj u Akademii mižnarodnaha prava ŭ Haazie, dzie znachodzicca Mižnarodny kryminalny sud (MKS).
Pavodle jaje słoŭ, ukrainski ŭrad zaniepakojeny tym, što Rasija nie moža być pryciahnuta MKS da adkaznaści za ahresiju, tak jak MKS moža razhladać tolki spravy, u jakich pazoŭnik i adkazčyk źjaŭlajucca členami suda abo kali sprava pieradadziena hetamu orhanu Radaj Biaśpieki AAN.
Rasija nie źjaŭlajecca členam MKS i, budučy adnoj ź piaci suśvietnych dziaržaŭ, jakija majuć prava vieta ŭ Radzie Biaśpieki, vierahodna, zabłakuje lubuju pieradaču spravy ŭ MKS.
«My kazali pra supracoŭnictva z Ukrainaj i z našymi partniorami ŭ suviazi z [pytańniem ab] stvareńni śpiecyjalnaha trybunała pa złačynstvach, [źviazanych z] ahresijaj suprać Ukrainy», — skazała Bierbak, patłumačyŭšy, što jurysdykcyja takoha orhana mahła b hruntavacca na ŭkrainskim kryminalnym zakanadaŭstvie.
Jana dadała, što MKS moh by być dapoŭnieny mižnarodnymi elemientami «ŭ miescy za miežami Ukrainy pry finansavaj padtrymcy partnioraŭ i ź mižnarodnymi prakurorami i sudździami, kab harantavać biesstaronnaść i lehitymnaść».
Ukraina, ES i Niderłandy publična padtrymali ideju stvareńnia śpiecyjalnaha trybunała.
Hałoŭny prakuror MKS Karym Chan, adnak, papiaredziŭ ab mahčymaści pravavoj frahmientacyi i zajaviŭ, što MKS lepš za ŭsio padychodzić dla pracesaŭ, źviazanych sa złačynstvami, źviazanymi z ahresijaj, z tym, kab dziaržavy-členy likvidavali «prabieły, jakija mohuć isnavać».
Padčas pres-kanfierencyi, jakaja adbyłasia paźniej u toj ža dzień, Bierbak zhadała paviedamleńni ŭkrainskich krynic ab tym, što ŭkrainskich dziaciej departujuć u Rasiju i tam addajuć na ŭsynaŭleńnie.
«Rasija pavinna adkazać za miescaznachodžańnie hetych dziaciej», — skazała kiraŭnica zamiežnapalityčnaha viedamstva Niamieččyny, a jaje hałandski kaleha Vopkie Chukstra zajaviŭ, što dzieci pavinny być viernutyja dadomu, a rasijskaja praktyka ich departacyi spynienaja.
