«Značny ŭron PVK «Vahnier» moža nanieści naša ŭnutryvidavaja baraćba, karupcyja, biurakratyja i čynoŭniki, jakija chočuć zastacca na svaich miescach. Heta bolš surjoznaja pahroza isnavańniu PVK «Vahnier». Naprykład, apošnim časam u ŚMI viadziecca aktyŭnaja praca nad tym, kab zabaranić słovazłučeńnie «PVK «Vahnier», nie pramaŭlać jaho ŭsłych i ŭsialak paźbiahać, jak čort ładanu.
U PVK «Vahnier» pastajanna sprabujuć skraści pieramohu i raspaviadajuć ab prysutnaści niezrazumieła kaho, aby prynizić jaje zasłuhi. Tamu, karystajučysia vypadkam, ja źviartajusia da ŭsich tych, chto šanuje pracu PVK «Vahnier». Zaklikaju padtrymać chłopcaŭ, jakim ciažka na froncie, i ŭ kamientarach zhadvać toje, što jany jość», — zajaviŭ Pryhožyn.
11 studzienia Jaŭhien Pryhožyn paviedamiŭ, što PVK «Vahnier» uziała pad kantrol usiu terytoryju Saladara, i što ŭ šturmie horada «nie ŭdzielničali nijakija padraździaleńni akramia bajcoŭ PVK».
Minabarony Rasii adčytałasia ab uziaćci Saladara 13 studzienia. U viedamstvie paviedamili, što heta stała mahčyma dziakujučy ŭdaram avijacyi i artyleryi rasijskich vojskaŭ, a taksama padraździaleńniam PDV, jakija zaniali panujučyja vyšyni i błakavali Saladar.
