Paviedamlajecca, što advakat akazvaŭ padtrymku «ekstremistam». Jak ličyć śledstva, «skaapieryravaŭšysia z pradstaŭnikami destruktyŭnych jačejek, Hierasimieniaj i Apiejkinym», jon zaklikaŭ da sankcyj.
Śledčyja zajaŭlajuć, što svaimi dziejańniami jon sprabavaŭ «palityzavać sport u Biełarusi, pieraškodzić biełaruskim spartsmienam udzielničać u mižnarodnych pieršynstvach». Akramia taho, abvinavačany zakranuŭ i vytvorčy siektar. Danilevič nibyta zajmaŭsia «dyskredytacyjaj ajčynnych pradpryjemstvaŭ pierad zamiežnymi partniorami».
Advakat rychtavaŭ listy i dakumienty ŭ adras narviežskaj kampanii Yara, jakaja źjaŭlałasia bujnym pakupnikom pradukcyi AAT «Biełaruśkalij».
«Prykryvaŭsia tak zvanymi «stačačnymi kamitetami». U sakaviku minułaha hoda Danilevič adkryta razmaŭlaŭ z ekstremisckimi resursami», piša SK.
Danileviča abvinavačvajuć pa č. 6 art. 16 i č. 3 art. 361 (dapamoha ŭ zaklikach da mier abmiežavalnaha charaktaru (sankcyj)), č. 1 art. 361-4 (sadziejničańnie ekstremisckaj dziejnaści) Kryminalnaha kodeksa. Materyjały pieradadzienyja prakuroru dla nakiravańnia ŭ sud.
Alaksandra Danileviča zatrymali 20 maja. Tady stała viadoma, što jon u SIZA KDB.
«Pomsta za śmiełaść». Što viadoma pra advakata Danileviča, jakoha zabrali ŭ KDB?
