31 śniežnia «Dynama» abviasciła prychod Rusłana Chadarkieviča z «Šachciora». U videaroliku hulec padpisvaje pracoŭnuju damovu — voś tolki pracaŭnikom nazyvajecca zusim nie Rusłan, a Anastasija Papova, futbalistka žanočaha «Dynama-BDUFK».
Nu, a jašče bolš dziŭnaj była situacyja ŭ najlepšaha futbalista Biełarusi—2022 Uładzimira Chvaščynskaha, jaki znoŭ padpisaŭ kantrakt ź minskim «Dynama» na pačatku śniežnia.
Jaho pradstavili rolikam pad muzyku z savieckaha filma «Słužbovy raman». I kantrakt, jaki Uładzimir padpisvaje, — heta zusim nie kantrakt sa svaim kłubam, a nakładnaja z budaŭničaj kramy. Chvaščynski byccam uzhadniaje zakupku na sumu 75 rubloŭ.
