Fota: TANJUG
«Heta padymaje nas na samy vysoki ŭzrovień da dziejańniaŭ, jakija pravodzić Armija Sierbii, abaraniajučy terytaryjalnuju cełasnaść i suvierenitet krainy, abaraniajučy ŭsich hramadzian Sierbii i praduchilajučy teror u dačynieńni da sierbaŭ, dzie b jany ni žyli», — skazaŭ jon.
Ministr unutranych spraŭ krainy Bracisłaŭ Hašyč u svaju čarhu zajaviŭ, što ŭsie padraździaleńni MUS buduć pieradadzienyja pad kamandavańnie kiraŭnika Hienštaba i «zojmuć pazicyi, praduhledžanyja apieratyŭnym płanam».
Pa słovach kiraŭnika sierbskaha MZS Ivicy Dačyča, Białhrad hatovy ŭmiašacca ŭ vypadku napadu na sierbaŭ na poŭnačy Kosava i Mietochii. Ministr vykazaŭ nadzieju, što hetaha nie adbudziecca.
Sierbski partał «Viačernija naviny» piša sa spasyłkaj na krynicu, što ŭ bajavuju hatoŭnaść pryviedzieny i siły Kosava.
Situacyja ŭ Kosavie pačała abvastracca z-za patrabavańnia kosaŭskich uładaŭ jeździć na terytoryi Respubliki tolki ź miascovymi numarami, a nie ź sierbskimi. U listapadzie miascovyja ŭłady paabiacali štrafavać za vykarystańnie sierbskich numaroŭ. Na poŭnačy Kosava, dzie ŭ asnoŭnym žyvuć sierby, źjavilisia barykady, a miascovyja žychary pačali pierakryvać darohi da pahranpunktaŭ.
