«Kožnaje dzicia zasłuhoŭvaje ščaślivaha dziacinstva — niahledziačy na vajnu, abstreły i pastajannyja pavietranyja tryvohi», — adznačajuć arhanizatary akcyi.
Z pačatku ŭvarvańnia kampanija pieradała vajskoŭcam bolš za 11 000 žalezabietonnych błokaŭ dla błokpastoŭ — zrešty, niekatoryja z tych časoŭ pierastali vykarystoŭvacca, ale da hetaha času zastajucca na abočynach stalicy.
Da navahodnich śviataŭ dziesiać takich łakacyj pieratvaryli ŭ kazačnych piersanažaŭ.
Na kožnaj instalacyi dastupny QR-kod sa spasyłkaj na kvest. U im dzieciam i ich baćkam treba znajści ŭsie dziesiać piersanažaŭ u Kijevie i paspaborničać za pryzy.
«Heta realnaść miljonaŭ siemjaŭ. Navat kali my nie chavajemsia ad abstrełaŭ, vajna pieraśleduje nas u raspylenych pa horadzie błokpastach, procitankavych vožykach i tranšejach. Jany dadajuć adčuvańnie tryvohi i niebiaśpieki. Ale vajna nie pavinna być štodzionnaściu dla našych dziaciej — jany i tak addali joj svajo dziacinstva», — adznačyła vykanaŭčy dyrektar hrupy kampanij «Kavalskaja» Volha Pilipienka.
Akramia kvestu, pa spasyłcy možna dasłać danat fondu «Dzieci hierojaŭ». Heta dabračynnaja inicyjatyva, jakaja dapamahaje dzieciam zahinułych ukraincaŭ psichałahična adnaŭlacca. Siarod udzielnikaŭ, jakija vykanajuć kvest i zadanaciać na inicyjatyvu, buduć razyhryvacca sałodkija padarunki.
