«Apakalipsis, jak u halivudskich filmach, kali niemahčyma žyć u damach z-za nizkaj tempieratury, moža zdarycca», — skazaŭ jon.
Ciapier deficyt elektraenierhii adnosna nievysoki, tamu evakuiravać žycharoŭ z Kijeva nieabchodnaści pakul niama, skazaŭ Kličko.
Adnak kali deficyt elektryčnaści budzie zachoŭvacca pry nulavoj tempieratury, to ŭłady vymušanyja buduć adpampavać vadu ź sistem aciapleńnia ŭ niekatorych rajonach horada.
«Na dadzieny momant my padrychtavali kala 500 aŭtanomnych punktaŭ abahravańnia, ale dla horada z nasielnictvam u 3 miljony 500 punktaŭ — heta ništo», — skazaŭ Kličko.
Pavodle jaho, horadu patrebnyja abahravalniki i akumulatary.
«My hatovyja da roznych scenaroŭ. Ale ja prašu žycharoŭ Kijeva taksama rychtavacca da roznych scenaroŭ, być hatovymi. Ja prašu ich: kali łaska, padrychtujcie zapasy pitnoj vady, techničnaj vady, ciopłaj vopratki, praduktaŭ — usio pavinna być hatova. Treba padrychtavać sumku z dakumientami i asnoŭnymi rečami, pažadana nievialikuju, na vypadak nadzvyčajnaha zdareńnia», — skazaŭ Kličko.
