Da takich vysnoŭ pryjšli ekśpierty Conflict Armament Research — niezaležnaj hrupy ź Vialikabrytanii, jakaja identyfikuje i adsočvaje zbroju i bojeprypasy, jakija vykarystoŭvajucca ŭ vojnach. Niezadoŭha da listapadaŭskaha rasijskaha rakietnaha abstrełu ŭ Kijeŭ pa zaprašeńni ŭkrainskich uładaŭ prybyła nievialikaja hrupa ekśpiertaŭ.
Jany vyvučyli abłomki kryłatych rakiet Ch-101, jakija pryviali da maštabnych adklučeńniaŭ elektraenierhii va Ukrainie. Pavodle spravazdačy hrupy, apublikavanaj u paniadziełak, adna z rakiet była vyrablenaja hetym letam, vyrab jašče adnoj zaviaršyŭsia paśla vieraśnia, pra što śviedčyć markiroŭka na joj.
Pa słovach adnaho z ekśpiertaŭ Conflict Armament Research, toj fakt, što Rasija praciahvaje vyrablać takija pieradavyja kiravanyja rakiety, jak Ch-101, śviedčyć pra toje, što Maskva znajšła sposaby nabyvać paŭpravadniki i inšuju techniku, niahledziačy na sankcyi, ci što ŭ jaje byli značnyja zapasy kampanientaŭ da pačatku vajny.
