Vychad na volu bolšaści fihurantaŭ kryminalnaj spravy suprać studenctva — heta śviata dla ŭsich sapraŭdnych biełarusaŭ. Bolš za 2 hady amal adzinym srodkam padtrymki dla ich byli listy, jakija dasyłali z voli. Na žal, jak my viedajem, daloka nie ŭsie pasłańni dachodzili da adrasataŭ praz turemnuju cenzuru. Ale zaraz u nas jość mahčymaść napisać im usie słovy padtrymki, jakija my chacieli im pieradać, pakul jany byli ŭ źniavoleńni.
Dziela hetaha źjaviłasia inicyjatyva, u jakoj aŭtary zaklikajuć biełarusaŭ napisać słovy padziaki i padtrymki, jakija potym źbiaruć u pryhožy albom i pieradaduć byłym palitviaźniam.
Zrabić heta možna na sajcie «Vypuskny-2022».
Pierajdzicie pa spasyłcy i napišycie studentam što-niebudź pryjemnaje. Pažadańni, prapanovy, pačućci — usio, što chočacie skazać z nahody ich vyzvaleńnia.
Taksama padzialiciesia spasyłkaj na hetuju inicyjatyvu sa znajomymi. Čym bolš dobrych słoŭ my źbiarom dla hetaha alboma — tym bolš padtrymki adčujuć našy hieroi.
