Kolkaść kampazicyj rasijskich vykanaŭcaŭ, jakija ŭvachodziać u rejtynh najbolš papularnych piesień siarod žycharoŭ byłych respublik SSSR, za hod skaraciłasia amal va ŭsich hetych krainach. Heta vynikaje z praviedzienaha RBK analizu statystyki servisu Apple Music, jaki farmiruje top-100 samych papularnych kampazicyj pa krainach śvietu. Anałahičny top nie stvorany tolki dla Hruzii (u Apple nie tłumačać, čamu chit-parad mienavita dla hetaj krainy adsutničaje).
Jak za hod źmianilisia chit-parady postsavieckich krain
Hod tamu, u śniežni 2021-ha, kampazicyi rasijskich vykanaŭcaŭ byli zapatrabavany praktyčna va ŭsich postsavieckich krainach. Bolš aktyŭna pradstaŭnikoŭ rasijskaj estrady, akramia samoj Rasii, słuchali ŭ Małdovie i va Ukrainie (tam im naležała pa dzieviać radkoŭ rejtynha ź dziesiaci). Pry hetym najmienš papularnymi rasijskija muzykanty byli ŭ Litvie, žychary jakoj addavali pieravahu brytancam Adele, Ełtanu Džonu i Edu Šyranu. U top-10 hetaj krainy ŭdałosia trapić tolki Lusi Čabocinaj i duetu «Mumij Trola» i Dani Miłochina.
Najbolš istotnyja źmieny za hod adbylisia ŭ pieravahach ukrainskich karystalnikaŭ.
Kali hod tamu amal uvieś top-10 dla hetaj krainy byŭ pradstaŭleny rasijskimi muzykami i tolki dziaviataje miesca zajmaŭ ukrainiec Ivan Dorn, to zaraz adzinaj rasijskaj śpiavačkaj, jakaja trapiła ŭ rejtynh, stała Instasamka ź pieśniaj «Za hrošy tak».
Šeść radkoŭ ź dziesiaci zajmajuć ukrainskija vykanaŭcy, jašče dva — amierykancy Lady Gaga i Eminem.
Surjoznyja źmieny adbylisia ŭ rejtynhu Apple Music u Kazachstanie. Kali ŭ śniežni 2021 hoda siem piesień z top-10 byli vykanany abo rasijskimi muzykantami, abo ich duetami z kazachstanskimi vykanaŭcami, to zaraz adzinaj rasijskaj śpiavačkaj u rejtynhu zjaŭlajecca Instasamka, jakaja zajmaje dziaviataje miesca. Pry hetym u chit-paradzie pavialičyłasia kolkaść ułasna kazachstanskich muzykaŭ: zaraz im naležać čatyry pazicyi, a ŭznačalvaje čart kazachstanskaja śpiavačka Dequine.
Nivodnaha rasijskaha muzykanta nie akazałasia ŭ chit-paradach Kyrhyzstana i Litvy.
U Biełarusi taksama źmianilisia husty — kolkaść topavych rasijskich kampazicyj źniziłasia ŭdvaja.
u maršrutkach - russkoje radio. a ŭ Kijevie šče da vajny zabaranili rasiejski šanson
A ad peŭnych tavaryšaŭ jašče z časoŭ kanca eSeSeSeRyi vanitavała napoŭnicu. Naprykład ad Lube