Śviatłana Cichanoŭskaja i Nikałae Čuka abmierkavali mahčymyja zachady mižnarodnaj supolnaści, kab nie dapuścić uvachodu biełaruskich vojsk u vajnu suprać Ukrainy, a taksama ŭsioabdymny płan ekanamičnaj dapamohi Biełarusi, jaki inicyjavali Rumynija z Polščaj i Litvoj, u miežach jakoha Biełarusi vyłučać try miljardy jeŭra na praviadzieńnie tranzitu i nieabchodnych reformaŭ. Cichanoŭskaja zaklikała Rumyniju adroźnivać režym Łukašenki i biełaruski narod i akazać maksimalnuju padtrymku inicyjatyvam, nakiravanym na ŭmacavańnie niezaležnaści i biełaruskaj nacyjanalnaj identyčnaści. Užo siońnia ŭ Buchareście pačynajecca kanfierencyja ministraŭ zamiežnych spraŭ krain NATA.
Dalej Cichanoŭskaja vystupiła na Miunchienskaj kanfierencyi lidaraŭ. U sustrečy ŭziali ŭdzieł 75 palityčnych lidaraŭ, aficeraŭ i ekśpiertaŭ z 25 krain, u tym liku prezident Rumynii, ministry zamiežnych spraŭ Ałbanii, Rumynii, Charvatyi, Słavienii, Čechii, Paŭnočnaj Makiedonii, kiraŭnik Kancylaryi Šolca i inšyja.
U svaim vystupie Cichanoŭskaja zaklikała pryznać režym sponsaram teraryzmu i pašyryć sankcyi na supracoŭnikaŭ dziaržaŭnych prapahandysckich miedyja, KDB i śpiecsłužbaŭ. Taksama Cichanoŭskaja zaklikała pašyryć vydaču viz dla biełarusaŭ u biełaruskich haradach i padtrymać represavanych.
Cichanoŭskaja zaklikała nie pryznavać damovy i pahadnieńni, jakija padpisvaje Łukašenka, bo jon nie maje zakonnaj siły, i hetyja damovy padryvajuć biełaruski suvierenitet: «Rasija padarvała suvierenitet Biełarusi, padpisaŭšy novyja damovy ab vajskovaj i ekanamičnaj intehracyi. Jany padpisany z dyktataram, jaki nie maje prava ničoha padpisvać ad imia naroda paśla taho, jak straciŭ usiakuju lehitymnaść u 2020 hodzie».
Pavodle jaje, novaja stratehija demakratyčnaha śvietu pavinna ŭklučać zachady pa abaronie biełaruskaha suvierenitetu, kab Biełaruś nie była addadzienaja na vodkup Pucinu.
Taksama Cichanoŭskaja sustrełasia ź biełarusami Rumynii i vystupiła va Univiersitecie Bucharesta. U novym siemiestry va ŭniviersitecie budzie zapuščany kurs pa biełarusaznaŭstvie.
a-to kak-to vieśma stranno eto vsie vyhladit... jeśli nie skazať bolšie
dažie s priezidientom Letuvy "vstriečajetsia" (fotohrafirujetsia) tolko pod stienami Biełoho doma