Staršynia KNR Si Czińpin vystupiŭ za spynieńnie vajny va Ukrainie i pačatak mirnych pieramoŭ. Pra heta jon zajaviŭ na sustrečy z prezidentam Francyi Emanuelem Makronam pierad pačatkam samitu G20, paviedamlaje infarmacyjnaje ahienctva «Sińchua».
Si Czińpin zapeŭniŭ, što pazicyja Kitaja pa ŭkrainskim kryzisie «jasnaja i paśladoŭnaja». Piekin hatovy ihrać kanstruktyŭnuju rolu ŭ vyrašeńni kanfliktu. U svaju čarhu mižnarodnaja supolnaść pavinna stvaryć umovy dla spynieńnia ahniu va Ukrainie, padkreśliŭ lidar KNR.