Spravu razhladała sudździa Julija Šut.
Pa materyjałach abvinavačańnia, Stasiulevič i Marvina, daviedaŭšysia ź internetu ab zapłanavanaj u Minsku akcyi pratestu, u adzin ź vieraśnioŭskich dzion pryniali ŭdzieł u niesankcyjanavanym masavym mierapryjemstvie, ruchalisia ŭ składzie kałony pa terytoryi horada Minska, u tym liku na prajeznaj častcy i pablizu praśpiekta Niezaležnaści i vulicy Lenina, pry hetym Stasiulevič publična vykrykvaŭ łozunhi, błakavaŭ i zaharodžvaŭ šlach transpartnym srodkam.
Akaličnaściu, jakaja abciažarvaje adkaznaść abvinavačanych, sudom pryznajecca ździajśnieńnie złačynstva asobaj, jakaja raniej učyniła jakoje-niebudź złačynstva, i jašče nie skončyŭsia termin daŭnaści za papiaredniaje złačynstva. Padčas suda vyśvietliłasia, što i Maćviej, i Anastasija raniej byli pakaranyja pa hetym samym artykule — č. 1 art. 342 Kryminalnaha kodeksa.
Sud pryznaŭ ich vinavatymi i pryznačyŭ abaim pakarańnie ŭ vyhladzie abmiežavańnia voli biez nakiravańnia ŭ papraŭčuju ŭstanovu adkrytaha typu na termin try hady (chatniaja chimija).
