Što pryhatavać? Faršyravanyja kabački — sytnaje i duchmianaje haračaje  3

Fota: BBC Food

Kab zrabić faršyravanyja kabački, vam spatrebicca:

• 1 siaredni kabačok, razrezany na dźvie pałovy ŭpopierak
• 5 zubkoŭ časnaku
• 3 stałovyja łyžki narezanaha śviežaha čabaru
• 3 stałovyja łyžki aliŭkavaha aleju + jašče trochi, kab zmazać kabačok
• 2 vialikija cybuliny, narezanyja niadrobna
• 500 hramaŭ jałavičnaha faršu
• 4 stałovyja łyžki tamatnaha piure (možna zamianić na tamatnuju pastu ci kietčup, lepiej chatni)
• 450 hramaŭ pamidoraŭ
• 3 stałovyja łyžki drobna narezanaj piatruški + jašče trochi dla padačy
• 3 uźbityja jajki
• 75 hramaŭ ciortaha parmiezanu + jašče trochi dla padačy
• 75 hramaŭ ciortaha syru piekaryna (možna zamianić na parmiezan ci inšy ćviordy syr)
• sol i mołaty čorny pierac

1. Razahrejcie duchoŭku da 180 hradusaŭ. Padrychtujcie vialikuju formu dla zapiakańnia i vyścielicie jaje folhaj, pakińcie krai folhi źvisać z formy.
2. Daviadzicie da kipieńnia vadu ŭ vialikim rondali — u im pavinna chapić miesca dla abiedźviuch pałoŭ kabačka. Trochi prypraŭcie vadu sollu.
3. Łyžkaj prybiarycie z kabačka nasieńnie i kudzielistuju miakać, vykińcie ich. Dastańcie z kabačka prykładna 120 hramaŭ miakaci tak, kab u pałovach atrymałasia vialikaja vyjemka, i adkładzicie hetuju miakać.
4. Aściarožna apuścicie pałovy kabačkoŭ u rondal z kipučaj vadoj, adrazu ž vyklučycie ahoń i pakińcie kabački ŭ vadzie da taho času, pakul vy budziecie hatovyja ich užyvać pavodle recepta.
5. Zdrabnicie časnok i čabor (možna vykarystoŭvać stupku), dadajcie sol i mołaty čorny pierac na smak. Razahrejcie ŭ patelni aliŭkavy alej, dadajcie cybulu, časnok i čabor, absmažcie da miakkaści. Dadajcie farš i smažcie sumieś 10 chvilin, pakul jana nie padrumianicca, pry hetym pastajanna jaje pamiešvajcie.
6. Pakul farš hatujecca, pakładzicie pamidory ŭ misku, zalejcie ich kipniem i pakińcie na 30 siekund. Dastańcie pamidory šumoŭkaj, pramyjcie pad chałodnaj vadoj i zdymicie ź ich skurku. Narežcie pamidory vialikimi kavałkami.
7. Dadajcie da faršu tamatnaje piure ci kietčup (možna jaho napałovu zamianić narezanymi vialenymi pamidorami), smažcie jašče 5 chvilin. Narežcie 120 hramaŭ miakaci kabačka, dadajcie jaje da faršu i pieramiašajcie. Dadajcie narezanyja pamidory i piatrušku i hatujcie sumieś na ahni jašče 10 chvilin, pry hetym pieryjadyčna pamiešvajcie.
8. Zdymicie sumieś z ahniu i trochi astudzicie, a potym umiašajcie ŭ jaje jajki (kali sumieś budzie zanadta haračaj, jajki źviernucca).
9. Dadajcie ŭ patelniu z sumieśsiu pałovu z naciortych syroŭ i dobra pieramiašajcie.
10. Aściarožna prybiarycie pałovy kabačka z haračaj vady, źlicie ŭsiu vadu ź ich centra i pakładzicie ich u formu dla zapiakańnia. Łyžkaj kładzicie sumieś z faršu ŭ kožnuju z pałovaŭ kabačka, pakul jany nie napoŭniacca. Akuratna złučycie pałovy i zmažcie skurku kabačka alejem. Pasypcie kabačok reštkami ciortych syroŭ. Abharnicie folhu vakoł kabačka, kab zmacavać jaho, pakińcie ŭviersie nievialiki zazor.
11. Vypiakajcie ŭ papiarednie razahretaj duchoŭcy kala 45 chvilin. Praz 45 chvilin pavialičcie tempieraturu ŭ duchoŭcy da 200 hradusaŭ, raskryjcie folhu i hatujcie jašče 5 chvilin, kab ciorty syr padrumianiŭsia i staŭ chrustkim. Dastańcie z duchoŭki i adstaŭcie na 10 chvilin.
12. Dla padačy narežcie kabačok na kołcy i pasypcie dadatkova parmiezanam i piatruškaj, kali žadajecie.

Recept na vychadnyja. Italjanskija frykadelki z kabačkami — aryhinalnaja i karysnaja strava

Jakuju aharodninu karysna ŭžyvać śviežaj, a što lepš padsmažyć?

Recept na vychadnyja. Kłasičny chlebny pudynh — brytanskaja kłasika na vašym stale

4

1

1

1

2

4

Nashaniva.com