«Va ŭmovach aŭtakratyi vy adstojvali svabodu słova i demanstracyj — fundamientalnyja pravy, bieź jakich nie moža funkcyjanavać ni adna demakratyja. Vaša mužnaść zaražaje inšych», — zajaviła, źviartajučysia da Chieršy, staršynia žury premii Suzanie Chachuli.
Hramadzianku Šviejcaryi Natallu Chierše zatrymali 19 vieraśnia 2020 hoda, jana sarvała bałakłavu z amapaŭca, jaki zatrymlivaŭ žančyn na maršy za svabodnyja vybary. Paźniej jaje asudzili da 2,5 hoda kałonii. U turmie i kałonii jana pavodziła siabie vyklučna mužna i pryncypova.
Dziakujučy šviejcarskamu hramadzianstvu i dypłamatyčnym namahańniam jaje krainy Natalla Chierše była 18 lutaha vyzvalenaja z mahiloŭskaj turmy paśla 17 miesiacaŭ źniavoleńnia i adrazu adpraŭlenaja ŭ Šviejcaryju. Praz 6 dzion pačałasia vajna va Ukrainie.
