Kišennaja karta Hrodna «dla čajnikaŭ». Fota: Hrodna.life
Na pieršaj staroncy razam z samoj kartaj mieścicca śpis z 31 abjekta. Na adhorcie — 14 fotazdymkaŭ hrodzienskich słavutaściaŭ. Bolš nie stali raźmiaščać, kab nie rabić ich zanadta małymi. Sama karta achoplivaje histaryčny centr horada.
Fota: Facebook Iryny Varkulevič
Čamu vyrašyli rabić papiarovuju kartu ŭ čas elektronnych, Hrodna.life raskazaŭ dyzajnier karty, Ihar Varkulevič.
«Na resepšenach va ŭsich jeŭrapiejskich hatelach da siońniašniaha dnia lažać mapy horada i heta vielmi zručna, uziaŭ i pajšoŭ (sami tak pastajanna robim, kab pryblizna saryjentavacca). Heta, zrazumieła, nie admianiaje śviatoha huhła».
Fota: Facebook Iryny Varkulevič
Da taho ž turystam stałoha ŭzrostu nie treba ničoha lišniaha, i papiarovaja karta pasuje im lepš, miarkuje Ihar. Jon adznačyŭ, što i ŭ hetaj karty taksama moža byť elektronnaja viersija.
Ideja karty naležyć drukarni. Jaje płanavali zrabić da turystyčnaha siezonu, ale nie paśpieli. Tamu nakład pakul nie raspaŭsiudžvajecca, mahčyma budzie ŭ nastupnym siezonie, raskazali ŭ drukarni.
