U hetym šampanskim prysutničajuć notki saśpiełych žoŭtych pładoŭ, piersika, suchafruktaŭ, lasnoha arecha i pralinie, adcieńni vanili i vypiečki. Vino całkam adpaviadaje patrabavańniam francuzskaha Nacyjanalnaha centra kaśmičnych daśledavańniaŭ. Cana, pa jakoj budzie pradavacca napoj, jašče nie vyznačanaja.
Butelka Mumm Cordon Rouge Stellar pakrytaja achoŭnym słojem z avijacyjnaha aluminija. Korak utrymlivaje śpiecyjalny kłapan ź nieržaviejučaj stali. Pry naciskańni jon vypuskaje šaryk šampanskaha.
Napoj vychodzić z butelki ŭ vyhladzie pieny. Jaho možna złavić u biazvažkaści ŭ nievialiki kielich na doŭhaj nožcy — jon padobny na pašotnicu dla jajek.
Vinarobnia testavała šampanskaje padčas parabaličnaha palotu na Airbus. Vyprabavańni prajšli paśpiachova. Stvaralniki pradukta spadziajucca, što vino dapamoža astranaŭtam i kaśmičnym turystam adčuć smak śvieckaha žyćcia navat udalečyni ad ziamli.
