Usie fota: Apple TV+
Hałoŭnaja zorka «Šantarama» — Čarli Chanem. Jon hraje Dejła Konci (jon ža Lindsi Ford, Lin i Linbaba), źbiehłaha aŭstralijskaha viaźnia, jaki ŭ 1980-ja hady pryjazdžaje ŭ Bambiej (paźniej hety horad indyjskija ŭłady pierajmienavali ŭ Mumbaj), kab zhubicca tam. U Bambiei Konci akazvajecca ŭciahnutym u śviet, jaki jon nie da kanca razumieje, i traplaje pad upłyŭ ludziej, jakija adnačasova i śviatyja, i hrešniki, piša collider.com.
My bačym Bambiej va ŭsioj jaho raznastajnaści — horad maraŭ i mahčymaściej, horad raspusty i spakus.
«Šantaram» składajecca z 12 sieryj pa adnoj hadzinie. Siońnia dastupnyja try ź ich. Hetaja historyja naprošvajecca, kab jaje vyvučali pavolna, sieryju za sieryjaj i scenu za scenaj, kab vy mahli ŭ poŭnaj miery ŭspryniać jaje ideju.
Tyja, chto jaje pieradajuć, robiać svaju spravu cudoŭna. Zdajecca, Dejł Konci — najlepšaja rola Čarli Chanema, jaki daśleduje piersanaža biaskonca dobraha i jakomu žachliva nie ščaścić, chto tolki pačynaje razumieć svaju sapraŭdnuju sutnaść. Alaksandr Sidzih hraje Kader-Chana, kryminalnaha aŭtaryteta sa schilnaściu da fiłasofii, jaki źjaŭlajecca sapraŭdnaj ekrannaj supraćlehłaściu Chanema. Składanyja adnosiny pamiž imi, pamiž vučniem i huru, intryhujuć, i vy budziecie łavić kožnaje ich słova, kab zrazumieć, da čaho heta idzie.
Šubcham Saraf robić kłasnaje ŭražańnie ŭ roli Prabchu, pieršaha siabra Lina ŭ Bambiei i serca sieryjała. Prabchu dla Lina — toje ž samaje, što Vierhilij dla Dante, hieroj, jaki pakazvaje jamu pravilny šlach, navat kali sam Lin uparta imkniecca iści šlacham niapravilnym. Heta abajalny i dobry čałaviek, jakomu prychodzicca krucicca, kab zarabić sabie na žyćcio, jon supravadžaje Lina nibyta anioł. Z druhoha boku, u sieryjale jość i ciomnaja istota — Karła Saaranien u vykanańni Antonii Despła, sapraŭdy składanaja žančyna, jakaja z kožnaj scenaj raskryvajecca pa-novamu.
Ale sapraŭdnaja zorka «Šantarama» — heta sam Bambiej. Dla bolšaści indyjcaŭ hety horad adnačasova Ńju-Jork i Łos-Andželes, horad ahniej i vialikaha biznesu, dzie luby čałaviek moža stać mahutnym, ale bolšaść pieratvarajecca ŭ ništo. Horad ašałamlalnych mahčymaściej i ašałamlalnaj składanaści.
Dadamo jašče, što siužet, jaki vy pabačycie na ekranie, zasnavany na realnych padziejach.
«Šantaram» stvorany pa adnajmiennaj knizie aŭstralijskaha piśmieńnika Hrehary Robiertsa, jaki apisaŭ u joj padziei ŭłasnaha žyćcia. U takich knihach častka faktaŭ to vydumanaja, ale Bambiej, jaki vy pabačycie na ekranie, całkam realny, Robierts žyŭ u im i pisaŭ pra jaho.
Hledačy aceńvajuć hety sieryjał našmat vyšej, čym krytyki.
Rejtynhi na vialikich suśvietnych resursach:
IMDB — 8,1/10
Rotten Tomatoes — 55% (krytyki), 84% (hledačy)
Što pahladzieć. «Linkaln» dla advakata» — bolš, čym prosta sieryjał pra sud
Što pahladzieć. «Prajekt «Adam» — padarožžy ŭ časie, zorny skład i vysokija rejtynhi na Netflix
Što pahladzieć: «Šervud» — adzin z najlepšych detektyvaŭ za apošni čas
