Kramloŭskija čynoŭniki i prapahandysty dziaržaŭnych ŚMI šyroka abmiarkoŭvajuć pryčyny parazy Rasii ŭ Charkaŭskaj vobłaści, što prykmietna adroźnivajecca ad ich papiaredniaj rytoryki ŭ aśviatleńni pierabolšanych abo sfabrykavanych pośpiechaŭ Rasii.
Kreml nikoli nie pryznavaŭ, što Rasija paciarpieła parazu pad Kijevam abo na vostravie Źmiainy, pradstaŭlajučy adstupleńnie ad Kijeva jak pastanovu, nieabchodnuju dla bolš pryjarytetnaha «vyzvaleńnia» Danbasa, a adstupleńnie z vyspy Źmiainy — jak «žest dobraj voli».
Rasijskaje Ministerstva abarony pieršapačatkova pajšło pa tym ža šlachu i zajaviła, što rasijskija vojski byli vyviedzienyja z Charkaŭskaj vobłaści dla pierahrupoŭki, ale hetaja viersija padvierhnułasia rezkaj krytycy ŭ Internecie.
Pryznańnie Kramlom parazy źjaŭlajecca častkaj namahańniaŭ pa advodzie krytyki za hetak skryšalnuju niaŭdaču ad prezidenta Rasii Uładzimira Pucina i pierakładańnie viny na minabarony i vajennaje kamandavańnie, piša ISW.
