«Park vysokich technałohij pravioŭ rebrendynh, abnaviŭšy łahatyp i firmovy styl. Zadača vykananaja: ciapier łahatyp bolš sučasny i vykazvaje adkrytaść da ŭsich udzielnikaŭ haliny, ciapierašnich i budučych», — piša pres-słužba PVT.
Redyzajn praviała kampanija iMedia Solutions, jakaja zakłała ŭ asnovu dyzajnu łahatypa i firmovaha stylu kancepcyju pryvitańnia «HI».
iMedia Solutions pierahledzieła kalarovuju palitru PVT i prymianiła dyzajn hradyjentnaha fonu da łahatypu i elemientaŭ firmovaha stylu. Častkaj hetaha stylu stali raspracavanyja hrafičnyja elemienty, ideja jakich zaklučajecca ŭ abjadnańni ličbavaha asiaroddzia i nacyjanalnaha arnamientu. «Heta adnačasovaje spałučeńnie piksielaŭ, QR-koda i arnamientu», — padkreślivaje art-dyrektar iMedia Solutions Jaŭhien Pańko.
Pieršy łahatyp PVT byŭ stvorany bolš za 10 hadoŭ tamu. Ciapier «pryniataje rašeńnie ab abnaŭleńni dyzajnu dla pavyšeńnia paznavalnaści PVT jak unutry Biełarusi, tak i za jaje miežami». Na vykarystańnie abnoŭlenaha firmovaha stylu PVT źbirajecca pierajści ŭ najbližejšyja miesiacy.
Raniejšy styl PVT vyhladaŭ tak:
