Padčas pres-kołu Piaskoŭ skazaŭ, što ciapier u trubapravoda, maŭlaŭ, «zastaŭsia rabočym adzin ahrehat — i toj daje zboi, i tam praciahvajucca pałomki».
Na ŭdakładniajučaje pytańnie, ci adnovicca prapampoŭka pa «Paŭnočnym patoku» ŭ vypadku źniaćcia sankcyj, pradstaŭnik Kramla adkazaŭ: «Biezumoŭna. Tyja samyja sankcyi, jakija pieraškadžajuć absłuhoŭvać ahrehaty, jakija pieraškadžajuć ich pieramiaščać biez adpaviednych jurydyčnych harantyj, jakija pieraškadžajuć davać jurydyčnyja harantyi. Mienavita voś hetyja sankcyi, jakija ŭviali zachodnija dziaržavy, mienavita jany daviali situacyju da taho, što my bačym ciapier».
«Paŭnočny patok» całkam spynili na ramont z 31 žniŭnia na troje sutak. Ale 2 vieraśnia «Hazprom» abviaściŭ, što spynić pracu hazapravoda na niavyznačany čas z-za vyjaŭlenaj uciečki alivy.
