Nota pratestu była ŭručanaja časovamu pavieranamu ŭ spravach Biełarusi Jarasłavu Chmylu. U joj byŭ «vykazany rašučy pratest» u suviazi z zajavami staršyni KDB Biełarusi Ivana Cierciela, zroblenymi na Usiebiełaruskim narodnym schodzie 25 krasavika pra nibyta pahrozy dla Biełarusi, «jakija zychodziać ź Litvy, u tym liku pra nibyta ŭdary vajskovych bieśpiłotnikaŭ z terytoryi Litvy pa abjektach na terytoryi Biełarusi i inšyja padobnyja biazdokaznyja insinuacyi».
U litoŭskim MZS padkreślili, što «takija zajavy pradstaŭnikoŭ biełaruskaha režymu nie majuć ničoha ahulnaha z rečaisnaściu», i zapatrabavali ad MZS Biełarusi nieadkładna abvierhnuć dezynfarmacyju.
Taksama ŭ nocie było paćvierdžana, što Litva prymie ŭsie mahčymyja miery dla zabieśpiačeńnia svajoj biaśpieki, suvierenitetu i terytaryjalnaj cełasnaści.
Čytajcie taksama:
Cierciel zajaviŭ, što KDB praduchiliŭ udary litoŭskich bieśpiłotnikaŭ pa Minsku
U Kijevie pačali evakuacyju dźviuch balnic z-za vykazvańnia Cierciela
«Kibierpartyzany» adkazali Ciercielu: My nikoli nie płanavali ataku na BiełAES
